[Nova edición]»Duelo: Más allá del lenguaje» (Nikki Kattoura e Nada Abuasi)

Para descargar/ler online: aquí

O 7 de outubro de 2023, organizacións de resistencia do pobo palestino lanzaron unha ofensiva contra a ocupación sionista, derrubando parte dos valos que amurallan a Franxa de Gaza (décadas atrás convertida en campo de exterminio ao descuberto polas forzas israelís), e recuperando parte do seu territorio. Non é a nosa intención entrar a valorar nin analizar moral ou estratexicamente dita operación, porque pensamos que toda crítica ou interpretación da insurxencia palestina en contra dos seus verdugos dende a comodidade ignorante de Occidente, os nosos teletipos e as nosas academias, está de máis e é insultante, xa que Israel non tería o poder que ten sen o respaldo militar, intelectual, político e financeiro de Estados Unidos e Europa. O único que temos que dicir é que nós negámonos a condenar a quen, tendo esgotado toda vía pacífica posible para tentar poñer fin ao seu sufrimento, optaron por devolver unha pequena parte da violencia que lles subxuga dende hai 75 anos.

Usando de escusa a devandita sublevación, as forzas armadas israelís non deixaron de bombardear indiscriminadamente Gaza, intensificando a súa xa habitual brutalidade e atacando incesantemente edificios residenciais, hospitais, escolas, campos de refuxiados e corredores humanitarios, así como tamén rexións limítrofes do Líbano e Cisxordania, causando nun mes máis de 10.000 vítimas mortais (das que aproximadamente o 50% eran nenes pequenes) e moitas máis feridas ou desaparecidas aínda entre os escombros. Este masacre, que non é senón o culmen do proxecto de aniquilación sionista para o pobo palestino e todo o mundo árabe, foi dolorosamente branqueada pola prensa internacional, con altos mandatarios da Unión Europea expresando as súas condolencias aos colonos israelís, e xustificando a matanza masiva de civís palestines co pretexto da suposta “defensa antiterrorista”. Xa non atopamos termo con magnitude dabondo como para describir a náusea, a vergoña e a raiba que nos produce o relato mediático e a pasividade do “mundo occidental”.

Tras ler este texto, conmoveunos e decidimos traducilo e sacar unha pequena edición en castelán, coa que tentar contribuír á súa difusión. Pola nosa banda, pouco máis que engadir salvo nosa máis enérxica condena, desprezo e noxo cara ao sionismo, o “Estado” de Israel e todos e cada un dos seus defensores e falsos críticos.

DENDE O RÍO ATA O MAR, PALESTINA VENCERÁ!

Presentación de «La Noche del Diablo» no CSA do Sar (Compostela)

31 de outubro, co gallo da festividade de Samhaín, estaremos no CSA do Sar aka Casa do Peixe, en Compostela, presentando a nosa edición do libelo «La Noche del Diablo: El espíritu ingobernable de Halloween», que traducimos do inglés por estas mesmas datas hai 3 anos e que podedes descargar de balde e cotillear clickando aquí. Falaremos das orixes desta feira, de festas paganas que celebran a comunidade e a abundancia, de meigas, de disturbios e de intervalos liminais onde as nenas salvaxes saen da escuridade para cuspir ás estatuas, e do contido e potencial subversivo que podemos aproveitar de toda esa historia.

De onde vén Halloween? Por que un conxunto de rituais paganos transformouse nunha moda máis da sociedade de consumo? Por que tantas veces, grupos de rapaces e xóvenes sen unha militancia política particular, aproveitaron Halloween para desfrutar profanando o sono tranquilo dos «bós cidadáns», atacar a propiedade e burlarse dos adultos, da policía, dos profesores e dos políticos? Que relación garda a recuperación de Halloween e Samhaín coa persecución á disidencia, as queimas de bruxas ou os procesos colonialistas? Cremos que é importante mergullar no pasado, revisar unha e outra vez de onde vén a cultura que nos foi ensinada, e profanala, atentando unha e outra vez contra o silencio que a neutraliza. No caso de Halloween, unha festividade con tanto potencial e contido rebelde e que tantas veces tentaron aniquilar, silenciar ou domesticar, o exercizo parécenos especialmente interesante.

Agardamos vervos alí ❤️

Presentación «Invertides Y Rompepatrias: Marxismo, anarquismo y desobediencia sexual y de género en el Estado español (1868 – 1982)» a cargo do seu autor, Piro Subrat

O próximo día 2 de outubro a Distribuidora Anarquista Polaris e o Ateneo Libertario de Pontevedra argallamos esta palestra na nosa querida Libraría Metáfora (Pontevedra), onde nos acompañará o noso compañeiro e amigo Piro Subrat, autor do libro «Invertides Y Rompepatrias: Marxismo, Anarquismo y Desobediencia Sexual y de Género en el Estado Español (1868-1982)», un documentado percorrido histórico repasando cales foron as afinidades e tensións entre os movementos anarquistas ou marxistas por unha banda e a disidencia sexual pola outra, ao longo dos Séculos XIX e XX.

Vemos necesario dar máis espazo a estas temáticas e debates para rachar coa hexemonía masculina e cisheterosexual, ante o rexurdimento de posturas abertamente reaccionarias, que mesmo dende dentro da «esquerda» e de movementos que se presupoñen emancipatorios ou revolucionarios, volven atentar contra os dereitos e a integridade des noses compañeires trans e de todas aquelas persoas que escapan das normas do Cisheteropatriarcado, chegando incluso a aunar esforzos coa extrema dereita e o fascismo…

Gustaríanos vervos por alí e que vos resulte tan interesante como a nós.

Coloquio Antipunitivista + Picnic e Asemblea Antiespecista (Pontevedra)

Este sábado en Pontevedra organizamos isto xunto coes compañeires de AGA e Irmandade Antiespecista. A idea é comezar cun coloquio sobre antipunitivismo. A que nos referimos? Á crítica das estruturas, protocolos e relacións de poder que plantean o castigo unilateral como único camino na resolución de conflitos entre as persoas, involucrando moitas veces de forma innecesaria e perigosa a corpos de «seguridade» e institucións que non só non poden axudarnos a solucionar os conflitos de raíz senón que de feito son parte do problema. Como reaximos entre nós cando se produce, por exemplo, unha agresión machista dentro do activismo ou algún outro conflito interpersoal que repercute ademais no común? Entendendo que o persoal é político e que todo nesta vida pasa por unha matriz política na medida na que está determinado polas condicións sociais, económicas, culturais e políticas de cada momento, pensamos que é importante e positivo debater entre nós sobre como romper coas formas tradizoais de «resolución» de conflitos e avanzar cara modelos e dinámicas que coloquen no centro os coidados e a aprendizaxe coletivos e, por suposto, a xustiza para es oprimides.

Haberá picnic (obviamente vegano) e logo faremos unha asamblea aberta a todes aqueles que queiran participar dun modo ou outro no activismo polos animais.

Será na illa das Esculturas, pero EN CASO DE CHOIVA, moveráse ao salón de actos do edificio sindical (R/ Pasantería 1, ao carón da Praza da Ferrería)!!

Pontevedra – Palestra: «A represión institucional ao movemento animalista» e Evento solidario coes multades por mobilizarse contra os campionatos de caza do raposo

Recentemente, algunhas persoas recibiron multas por participar en accións e protestas para tentar deter ou obstaculizar os campionatos de caza do raposo (provincial e autonómico) que se celebraron nas localidades de Moaña e A Lama (Pontevedra). Sabendo que as multadas poderíamos ter sido calquera das persoas que tomamos parte nesas accións, e entendendo que debemos afrontar as multas coletivamente, este sábado 17 colaboramos na organización dun evento solidario que terá lugar en Pontevedra e co que pretendemos recaudar algo de pasta para axudar a esas persoas a afrontar os gastos derivados da represión.

Haberá actividades dende a tarde, e nós daremos unha charla ás 18 sobre a represión aos movementos polos dereitos dos animais, na que comentaremos algúns casos coñecidos e outros non tanto, e procuraremos facer unha análise política e estrutural do fenómeno. Despois, a xente de Gure Terra dará un concerto.

No edificio sindical (rúa Pasantería, 1) a partir das 17. Vémonos alí?
Aos asasinos e os seus mercenarios: Non vos temos medo.

Compostela – Estaremos no Fun Fun Fun (Festival de Autoedición)!

O próximo sábado 10 de xuño participaremos na nova edición do Fun Fun Fun, festival de autoedición onde estaremos co noso posto de material xunto a outres creadores e proxectos de autoedición. Será no local da Asociación ítaca, na rúa do Pombal nº 18, en Compostela. Estaremos dende ben cedo, pásate vernos e desfrutar do resto de coletivos e artistas e das interesantes actividades que hai programadas!

Presentación da nosa publicación «Traizón» + Coloquio sobre estratexias contra a violencia sexual na militancia (A Galleira, Ourense)

O próximo xoves 1 de xuño a partir das 19 estaremos na Asociación Cultural A Galleira (Ourense) presentando a edición en galego da nosa publicación «Traizón: Unha análise crítica da cultura da violación nas subculturas anarquistas». A intención é aproveitar o coloquio posterior para conversar sobre como entendemos a responsabilidade coletiva sobre esta problemática e que estratexias podemos empregar para confrontar a violencia sexual nos nosos espazos e atacar non só a súa orixe simbólica senón tamén todos os mecanismos de impunidade e obliteración que permiten a súa reproducción. O evento é mixto pois cremos que é tarefa de todes (pero especialmente de todos) recoñecer e bloquear as fontes de toda esta violencia.

Palestra + Coloquio – «Exércitos nas rúas: Informe UO2020 da OTAN e militarización da vida cotiá» (CSO Escárnio e Maldizer, Compostela)

O xoves 4 de maio volvemos a Compostela! Estaremos no Centro Social Okupado Escárnio e Maldizer (ao que levabamos sen ir dende antes do desaloxo, e fainos moita ilusión regresar por primeira vez tras a reokupación) a partir das 19 para falar unha vez máis sobre o informe UO2020 da OTAN e a militarización cada vez maior das rúas e da vida cotiá. Repasaremos o contexto global no que se produce este fenómeno e algúns exemplos vistos nas últimas décadas, visitaremos as últimas actualizacións introducidas dentro da cimeira da OTAN en Madrid do ano pasado e debatiremos posibilidades para a resistencia.

Palestra-Coloquio «Anarquismo e Capacitismo» a cargo de Itxi Guerra (Ateneo Libertario de Pontevedra)

A semana que vén aterriza na Galiza a nosa amiga Itxi Guerra, que xirará por diferentes puntos do territorio para dar palestras e presentacións do máis interesante. O día 1 de maio terémola con nós en Pontevedra, onde colaboramos na organización dun evento no que nos presentará o seu libro «Lucha contra el capacitismo» e falará sobre a relación do anarquismo e as loitas antiautoritarias co movemento contra o capacitismo, é dicir, contra toda forma de discriminación ou exclusión de persoas pola súa forma funcional ou polas súas capacidades físicas ou mentais. A actividade enmárcase nunha xornada máis ampla con motivo do 1º de Maio, na que vos convidamos a acompañarnos durante todo o día.

Se o tempo acompaña e non chove o encontro con Itxi terá lugar no xardín do edificio sindical. En caso de choiva, será no salón de actos do mesmo edificio. Estades todes convidades!

[Nova Edición] «Traizón: Unha análisise crítica da cultura da violación nas subculturas anarquistas» (Words To Fire)

Xa tedes dispoñible a nosa nova edición, unha traducción que fixemos do texto «Betrayal: A critical analysis of rape culture in anarchist subcultures», publicado hai uns anos por «Words To Fire Press» e que nós recollimos dende Anarchist Library. Trátase dunha crítica ás estruturas que manteñen as dinámicas de violencia sexual dentro das contornas presuntamente antiautoritarias ou anarquistas. Un convite á autocrítica e a revisar cales son as nosas formas de acción (ou de omisión) cando se produce unha agresión, e actualizar e mellorar o arsenal e a caixa de ferramentas.

Deixámosvos coa introducción e os enlaces de descarga:

Ler online/descargar:

————————————

A intención de traducir e editar este texto xorde da necesidade, por desgraza aínda moi vixente, de cuestionar e interpelar a existencia dunha cultura da violencia sexual dentro de ambientes anarquistas. A pesar de todos os esforzos e sufrimentos des noses compañeires por visibilizar o problema, crear e compartir recursos, elaborar protocolos, rexistrar testemuñas, esixir xustiza ou cobrar vinganza, a ameaza persiste. Non pensamos que se trate dun problema tampouco de escaseza de ferramentas, pois os textos, as reflexións, os talleres, e a longa lista de accións en contra da violación dentro e fóra dos espazos especificamente antiautoritarios están aí. O problema, se cadra, ten máis que ver coa actitude que temos perante este asunto.

Quen traduce, maqueta e edita este material e escribe esta introdución identifícome como home cishetero. Penso que teño unha responsabilidade comigo mesmo, co resto des miñes compañeires, e en xeral, cos compromisos que conleva recoñecerse como anarquista. Isto non se trata de facer de madeiros unhes con outres, como di Clementine Morrigan, dicir “fuck the police” significa que non actuamos como policías entre nós. Máis ben, trátase de convidarvos a todes, e especialmente a todos, a un percorrido incómodo pero fundamental, na procura de xeitos de tratarnos, coidarnos e amarnos ou desexarnos que sexan auténticas, xustas e verdadeiramente emancipadoras e libertarias, e sobre todo, pola demolición dunha vez de todo ese monstro que é a violencia sexual e, en xeral, o Patriarcado. Agardamos que sirva de axuda.