Benvidxs ó noso blogue.

Somos a Distribuidora Anarquista Polaris, un proxecto pontevedrés de distribución anticomercial de fanzines, panfletos e outros materiais que consideramos afíns ou transversais á loita antiautoritaria da que formamos parte e na que medramos e nos desenvolvemos diariamente.

Apreciamos a labor contrainformativa e de feito algunhas de nós participamos na mesma, pero queremos deixar claro que isto non é un espazo contrainformativo nin tampouco un lugar para o debate. O noso espazo real é a rúa, onde cremos que deben atoparse os nosos desexos e organizarse as nosas conspiracións, fora de entornos virtuáis que neste caso tan só empregamos coma unha ferramenta de difusión e contacto. Para nós, é de vital importancia ter un espazo físico onde poder achegar os nosos materiais e inquedanzas a todas aquelas persoas que, pensamos, poden compartir eses sentimentos e andar na procura, coma nós, das ferramentas necesarias para construir un pensamento crítico, libre e rebelde capaz de subvertir os enfermizos parámetros deste mundo sen sentido. Por iso, periódicamente montamos un posto na rúa onde distribuímos os materiais e onde tamén nos gustaría que compartísedes opinións, críticas ó noso proxecto e outras cuestións, medrando xuntas mediante o debate constructivo e a creación dunhas relacións baseadas no apoio mutuo e a sinceridade.

Para máis información, consulta os apartados de «Quenes somos?» e «Onde e cando podedes atoparnos?».

Vémonos na rúa!

Distribuidora Anarquista Polaris.