Presentación do noso proxecto no CSOA Quinta da Carminha, Vigo

O próximo venres 27 de febreiro, ás 20:00, estaremos no Centro Social Okupado e Autoxestionado Quinta da Carminha (Rúa do Carme nº 1, Vigo) para presentar o noso proxecto.

Darase unha palestra na que se presentará o proxecto, introducindo o seu funcionamento e percorrido ata a data, e os seus criterios e bases. Acto seguido, presentaranse os fanzines “Manifiesto Antiadultista”, “¿Quién dijo que el holocausto había terminado? Un intento de trazar paralelismos entre la maquinaria asesina nazi y las industrias de explotación animal” e “Género, identidad, deseo, Patriarcado, heteronorma y represión” editados polo noso colectivo e disponibles na sección de “Edicións propias” deste blog para a súa descarga gratuita. Para rematar, haberá un debate-coloquio sobre a distribución anticomercial e os seus dilemas, e no caso de que alguén teña dúbidas, unha turna de preguntas.

Vémonos alí!

Comunicado do noso colectivo en apoio ás detidas de Coia

Dende a Distribuidora Anarquista Polaris, proxecto de difusión e distribución de fanzines e textos antagonistas a pé de rúa na cidade de Pontevedra, gustaríanos figurar na lista de colectivos que suscriben e asinan o comunicado de apoio ás detidas pola loita contra as políticas especulativas e o urbanismo antipersoa desenvoltos polo Exctmo. Alcalde da cidade de Vigo.

Coma anarquistas, compartimos a vosa loita e recoñecémonos nela, considerando que, unha vez máis, venden obras ridículas, “buques de necios”, en palabras de Ted Kaczynski, que navegan rotondas, e outras envases e imaxes baleiras fabricadas dentro do macroespectáculo publicitario do urbanismo moderno, para que continúe o latrocinio consistorial sen que ninguén se pregunte como se suprimen ou recortan os dereitos e o benestar da maioría amontonada nos barrios doentes de precariedade e fame, para que os cartos rematen nos caprichiños dos mesmos chupópteros noxentos de sempre.

Dicía Raoul Vaneigem que cando a necesidade é soñada socialmente, soñar faise necesario. Sobre esa necesidade e soño común poden confluir as loitas, facendo das reivindicacións parciais contra a degradación constante das nosas xa de por sí devaluadas condicións de vida, un simple tramo nun longo camiño que continua, e que conduce á revolta que, finalmente, tome por asalto a factoría social e sobre os seus escombros constrúa en comunidade todas as maravillas.

Solidariedade coas e cos detidos e detidas!

Se sementan miseria, colleitarán raiba!

A loita é o único camiño!!

Distribuidora Anarquista Polaris